BATANGAS – KUMPLETO na ang mga nakapugang persons deprived of liberty (PDLs) sa Batangas Provincial Rehabilitation and Detention Facility sa Brgy. Malainin, Ibaan, Batangas matapos madakip na muli silang sa tuluy-tuloy na hot pursuit operation ng kapulisan ng probinsya.
Pinakahuling nadakip sa kanila si Gerald Moreno Herrera, 27 anyos, ng mga tauhan ng Bauan Municipal Police Station sa Brgy. Manghinao Proper, Bauan, Batangas, ganap na alas-10:00 ng kaninang umaga, Hulyo 29, ayon kay PLtCol Aleli Buaquen, tagapagsalita ng Batangas Provincial Police Office (BPPO).
Sa ipinadalang ulat ng BPPO, nagtulung-tulong ang mga tauhan ng Bauan MPS, IBaan MPS at PRO4A-Regional Intelligence Division at ang Provincial Intelligence Unit – Batangas upang tugisin ang mga nakapugang preso kahapon.
Gamit ang drone, walang tigil na ginalugad ng mga alagad ng batas ang posibleng dinaanan ng nakapugang preso, maging sa kaniyang tirahan, at nagresulta ito sa agarang pagkadakip sa lahat ng akusado.|
