RECORD high na muli ang mga naitalang kaso ng CoVid-19 ngayong araw, ayon sa Department of Health (DOH). Hanggang kaninang alas-4:00 ng hapon ng Lunes, Agosto 30, 2021, pumalo na sa 22,366 ang mga naitalang karagdagang kaso. Umabot naman sa 16,864 ang mga gumaling at 222 ang pumanaw.
Sa kabuuang bilang ng mga naitalang kaso sa bansa, 7.5% (148,594) ang aktibong kaso, 90.8% (1,794,278) na ang gumaling, at 1.69% (33,330) ang namatay.
Ayon sa pinakahuling ulat, lahat ng mga laboratoryo ay operational noong August 28, 2021 habang mayroong 2 laboratoryo na hindi nakapagsumite ng datos sa CoVid-19 Document Repository System (CDRS). Base sa datos sa nakaraang 14 na araw, ang kontribusyon ng 2 labs na ito ay humigit kumulang 0.1% sa lahat ng samples na naitest at 0.1% sa lahat ng positibong mga indibidwal.
Sa mga susunod na araw ay maari pang tumaas ang mga kaso ng CoVid-19 sa bansa. Kaya patuloy ang panawagan ng otoridad na tiyakin ang pagsunod sa minimum public health standards.
Ang maiging pagsasagawa ng PDITR strategies, at pagbabakuna ay nanatiling pinakapabisang depensa sa CoVid-19. Mahalaga rin na tayo ay mag-isolate at makipagugnayan sa BHERTs kung tayo ay may sintomas ng CoVid-19. Ang maagang konsultasyon at pagpapatest ay makatutulong upang maputol ang hawaan sa mga bahay, komunidad, at sa mga lugar na pinagtatrabahuhan.|
