ISANG simpleng motorcade na lamang sa karangalan ng Mahal na Patrong Sto. Niño sa Enero 7 at Banal na Misa sa Enero 16, 2021 ang nakatakdang isagawa ng pamaha-laang lungsod ng Batangas para sa pagdiriwang ng kapistahan ng lungsod bilang pag-iingat laban sa COVID-19.
Ito ay ayon sa Executive Order No. 50, s. 2020 ni Mayor Beverley Dimacuha na inilabas noong December 7, 2020.
Nakasaad din sa EO na kaila-ngang limitahan lamang sa mga miyembro ng sambahayan ang selebrasyon. Mahigpit ding ipinagbabawal pag-inom ng alak sa lungsod sa January 15, 16 at 17.
Inaatasan ni Mayor Dimacuha ang lahat ng opisyal ng bawat barangay sa lungsod na ipatupad ang nasabing EO at magsagawa ng monitoring para sa istriktong pagpapatupad ng health and safety protocols sa kani-kanilang barangay.| – BNN
