AGONCILLO, Batangas — MALUNGKOT na pangyayari ang bumungad sa Lokal na Pamahalaan at sa mga residente ng Barangay Subic Ilaya sapagkat apat na residente rito ang di inaasahang binawian ng buhay matapos ang insidente ng landslide sa Sitio Manalao, Subic Ilaya.
Na-recover ang mga biktima ngayong umaga kabilang ang isang buntis.
Nagtulung-tulong ang mga tauhan ng MDRRMO, Kaplan, mga bumbero, MHO, at MSWDO upang mabigyan ang pamilya ng tulong na kanilang kinakailangan.
Ang mga biktima ay miyembro ng Pamilya Rimas, kabilang ang isang 6-buwan buntis na may edad na 28, at tatlong menor de edad na may edad na 9, 13 at 15.
Patuloy ang pagpapalikas ng lokal na pamahalaan sa iba pang mga residenteng naroon pa sa nasabing lugar.
Patuloy rin ang pag-papaalaala ng pag-iingat ng lahat. | –Mula sa ulat ng PIO Agoncillo
